Informimi i publikut me qëllim mbrojtjen sa më mirë të interesave të konsumatorëve është prioritet për Autoritetin e Mbikëqyrjes Financiare. Për këtë arsye, përveç transparencës në lidhje me aktivitetin mbikëqyrës dhe rregullues të AMF-së, një vëmendje e veçantë i kushtohet mundësimit të marrjes së informacionit nga ana e publikut. Për këtë qëllim, AMF vazhdon publikimin e raporteve periodike informative dhe statistikore mbi zhvillimin e sektorëve të ndryshëm të tregut jobankar.